常見問題

1. 請問接受P牌嗎？
答：我哋係接受P牌（暫准駕駛執照），不接受學習駕駛執照

2. 我哋都冇車牌，又好想試下車頂營體驗，咁點算？
答：可選擇係我哋嘅附屬營地元朗公奄路 Starland 星原 體驗車頂營，職員會一早準備好所屬車輛及所需嘅裝備

3. 如果我想體驗越野車感覺，應該選你哋公司咩車款？
答：我哋一共有3部車輛畀大家選擇，以越野車為主； 我哋有 Prado，Jimny，Vitara 都備有越野功能，四驅，二驅都得

4. 請問可以去邊度拎你哋㗎車？我本身有揸車又可以點算？
答：可以揸自己嘅車 或 坐車嚟到附屬營地元朗公奄路 Starland 星原，以「以車換車」嘅方式去拎取所預訂嘅車輛，停車場係免費停泊

5. 你哋公司嘅車輛合法嗎？有保險嗎？
答：我哋提供嘅所有車輛都合法上路 及 有第三者保險

6. 如果不幸發生交通意外，我要點做？
答：請報警處理 及 立即致電公司電話 68969309

7. 你哋公司會有景點介紹嗎？
答：我哋可以為你作出介紹及建議地點，不論是沙灘，山景都可以，但客人必須要留意其駕駛技術，當日天氣等情況，自行衡量是否前往

8. 我第一次體驗車頂營，會有人教點開車頂營同教點整裝備嗎？
答：職員會係客人拎車時，簡單介紹車頂營及裝備嘅使用方法

9. 你哋會唔會有代駕服務，同接送服務嗎？
答：我哋暫時未有提供代駕服務，同接送服務，需要客人親身嚟到附屬營地元朗公奄路 Starland 星原，以「以車換車」嘅方式去拎取所預訂嘅車輛

10. 你哋會唔會有架設裝備用具服務？
答：我哋提供架設裝備用具服務，需要額外收取$800服務費；如同時預訂兩車，將免費提供架設服務，可在「追加物資」內選擇此服務

11. 需要簽文件嗎？
答：客人需要在拎車前簽署公司文件，及提供身份證，駕駛執照及3個月內有效嘅住址證明以作證明
 
12. 需要按金嗎？
答：除問題10所提及嘅文件外，我哋會以現金或轉數快方式向客人收取按金
（$3000）； 如還車時，經驗查後妥善無誤，無損毀，會3日內透過銀行轉帳方法轉回給客人
 
13. 需要入返油嗎？
答：客人必需係還車前，入返借車時所提供嘅油量； 如發現沒有入返油，本公司會收取$500作為入油附加費 及 該車的入油費用
 
14. 我地有乜plan?
答：我哋為大家準備咗兩個Plan，包括Classic Plan 及 Luxury Plan 
Classic Plan 提供車＋車頂營；Luxury Plan更提供應有裝備，絕對係懶人之選

15. 請問有其他裝備租嗎？
答：我哋提供不同類型嘅裝備，甚至娛樂用品都有，可在「追加物資」及
「租借裝備」選擇

16. 食物 及 飲品，你地都可以提供？
答：我哋應有盡有，我哋可以為你安排，詳情請聯絡職員

17. 取車/還車時間？遲還點算？
答：拎車時間為當日下午2點後，還車為翌日1200時前；如果遲還車，又或者想用多陣架車，我哋會收取附加費$500起，必須取車前提出此要求，詳情請與職員聯絡